Сумын иргэдийн Төлөөлөгчдийн хурлын ээлжит бус 9 дүгээр хуралдаан өнөөдөр (2025.07.04) 10:00 цагт 88 хувийн ирцтэйгээр хуралдлаа.
Тус хуралдааны дэд даргаар Д.Энхцацраг Төлөөөлөгч, Хуралдааны баримт бичиг боловсруулах ажлын хэсгийн гишүүдээр Төлөөлөгч С.Ариунчимэг, Н.Оюунбилэг, Э.Энхмаа нар төлөөлөгчдийн 100%-ын саналаар сонгогдож ажиллалаа.
Тус хуралдаан нь нөхөн сонгуулийн үр дүнгээр сонгогдсон 2 төлөөлөгчийн бүрэн эрхийг хүлээн зөвшөөрснөөр сумын иргэдийн Төлөөлөгчдийн Хурал 25 төлөөлөгчийн бүрэлдэхүүнтэй ажиллах болсон нь онцлог юм.
Хуралдаанд Аймгийн Газрын харилцаа, барилга, хот байгуулалтын газрын дарга Д.Батчулуун, сумын тамгын газрын дарга Г.Шинэхүү, Газрын даамал Д.Болорцэцэг, мэргэжилтэн Б.Болортүлхүүр, Геомап ХХК-ын захирал Ю.Чүлтэм нар оролцож төлөөлөгч нарт мэдээлэл өглөө.
Уг Хуралдаанаар1. Төлөөлөгчийн бүрэн эрхийг зөвшөөрөх тухай
2. Орон нутагт ажилласны нэмэгдэл олгох тухай
3. Хөрөнгө бүртгэх тухай
4. Сумын Газар зүйн нэрсийн жагсаалт батлах тухай
5. Сумын Эдэлбэр газар тэлэх саналыг дэмжих гэсэн асуудалтай тус тус танилцаж шийдвэрлэлээ.
Мөн сумын иргэн М.Галтын ИТХ-ын Төлөөлөгч нарт гаргасан хүсэлтийг танилцууллаа.
