Төрийн золголтод уламжлал ёсоор хан хуурыг эгшиглүүлэн цэнгүүлж, гарч буй өлзий буянт, өгөөмөр сайхан жилд төр улс төвшин, түмэн олон амгалан жаргалантай байхыг бэлгэдэн ерөөлөө.
Төрийн золголтод Сумын ИТХ-ын дарга Б.Болат, Засаг дарга М.Мөнхбаяр, Үе үеийн хөдөлмөрийн баатар, гавъяатууд ИТХ-ын төлөөлөгчдийн төлөөлөл болон төрийн байгууллагын дарга, эрхлэгч, ИТХ-ын ажлын алба, ЗДТГ-ын ажилтан, албан хаагч нар ёс заншлын дагуу амар мэндийг эрэн золгож, халуун яриа өрнүүллээ.
Ирж буй 17-р жарны “Сүрээр дарагч” хэмээх гал морь жилдээ Та бүхэн маань идээ ундаагаар элбэг дэлбэг, эрүүл энх, саруул сайхан, эрч хүчтэй, инээд баяслаар дүүрэн жаргалтай байхыг өлзий дэмбэрэлтэй ерөөлийг өөд өөд нь өргөн дэвшүүлье.
