Сүүлийн үед ой, хээрийн бүсэд баавгай үзэгдэх, суурьшлын бүсэд ойртох эрсдэл нэмэгдэж байгаа тул иргэд та бүхнийг сонор сэрэмжтэй байхыг анхааруулж байна.
Иргэд та бүхэн:• Ой, хээрт зорчихдоо ганцаараа явахгүй байх
• Хүнсний үлдэгдэл, хог хаягдлыг ил задгай орхихгүй байх
• Баавгайтай таарсан тохиолдолд ойртож зураг авах, хөөж үргээх, хоол өгөхгүй байх
• Баавгайн бамбаруушид ойртохгүй байх
• Ой, хээрт явж байхдаа чимээ гарган, сонор сэрэмжтэй зорчих
• Орон нутагт баавгай үзэгдсэн тохиолдолд бусдад мэдээлж, холбогдох байгууллагад яаралтай мэдэгдэх
Баавгайтай ойр таарсан үед сандарч гүйхгүй, тайван байж, аажмаар холдохыг зөвлөж байна.Иргэд та бүхэн өөрийн болон бусдын аюулгүй байдлыг хангаж, дээрх сэрэмжлүүлгийг дагаж мөрдөнө үү.