Энэхүү өдрийг тохиолдуулан улс төрийн хилс хэрэгт хэлмэгдэгчдийн гэгээн дурсгалыг хүндэтгэн Шарын гол сумын Гэлэгпэлжээлин хийдэд ном хурж, мөн Ерөнхий боловсролын 2, 6 дугаар сургуулийн ахлах ангийн сурагчдад улс төрийн хилс хэрэгт хэлмэгдүүлэлтийн түүх, түүний сургамж, хэлмэгдэгчдийн дурсгалыг хүндэтгэхийн ач холбогдлын талаар лекц, мэдээлэл зохион байгуулна.

🔵Залилан мэхлэгчдийн ашигладаг нийтлэг арга нь: 📌Таалагдахгүй бол өөр байр хай. 📌Энэ байрыг олон хүн сонирхож байгаа. 📌Түрүүлж урьдчилгаа эсвэл түрээсийн төлбөрөө шилжүүлэх хэрэгтэй. 📌Яг одоо нэг хүн мөнгөө шилжүүлэх гэж байна гэх зэргээр иргэдийг залилан мэхэлж урьдчилгаа авдаг байна.

Хүүхэд бүр сурч хөгжих, найз нөхөдтэй болох, өөрийгөө чөлөөтэй илэрхийлэх аюулгүй, ээлтэй орчинд байх эрхтэй. Иймээс үе тэнгийнхний дунд гарч буй дээрэлхэлт, ялгаварлан гадуурхалт, дарамтаас урьдчилан сэргийлэх нь хүүхэд бүрийн оролцоо, ойлголцол, дэмжлэгийг шаарддаг.

Сургууль, цэцэрлэгийн орчинд зорчихдоо анхааралтай байж, замын хөдөлгөөнд соёлтой оролцъё!

Тус сумын цагдаагийн хэлтсээс хөдөлгөөний аюулгүй байдлыг хангах, тээврийн хэрэгслийн ашиглалтын журмын эсрэг гэмт хэрэг, зөрчлөөс урьдчилан сэргийлэх зорилгоор цагийн хуваарийн дагуу хяналт, шалгалтын үүргийг тогтмол гүйцэтгэж байна. 👮‍♂️ Иргэн, жолооч та бүхнийг дараах зөвлөмжийг мөрдөхийг уриалж байна. 🔹 Тээврийн хэрэгслийн яндан болон дуу намсгах системд дур мэдэн өөрчлөлт оруулахгүй байх. 🔹 Стандартын шаардлага хангасан эд анги, тоноглол ашиглах. 🔹 Замын хөдөлгөөнд оролцохын өмнө тээврийн хэрэгслийн техникийн бүрэн бүтэн байдлыг тогтмол шалгаж хэвших. 🔹 Замын хөдөлгөөнд оролцохдоо бусдыг хүндэтгэж, хууль, дүрмээ мөрдөн, стандартын шаардлага хангасан тээврийн хэрэгслээр соёлтой оролцох. 🤝 Хөдөлгөөний аюулгүй байдал нь хүн бүрийн хариуцлага.

Шарын гол сумын сум дундын Цагдаагийн хэлтсээс Дархан-Аргалын гарам–Зулзагын гол–Шарын гол чиглэлд хөдөлгөөний аюулгүй байдлыг хангах, тээврийн хэрэгслийн ашиглалтын журам зөрчих, гэмт хэрэг, зөрчлөөс урьдчилан сэргийлэх зорилгоор цагийн менежментийн дагуу үүрэг гүйцэтгэж байна.

Тус аяны хүрээнд хүүхэд, өсвөр үеийнхний зөв хандлага, эерэг төлөвшлийг дэмжих нөлөөллийн ажлын хүрээнд ерөнхий боловсролын 2 болон 6 дугаар сургуулиудад “Үе тэнгийн дээрэлхэлтгүй нийгмийг бүтээж чадна”, “Бие биенээ хүндэлье”, “Хайрлая” уриалга бүхий ханын цагийг хүлээлгэн өглөө.

мэндчилгээ

Гэмт хэрэг, зөрчлөөс урьдчилан сэргийлэх, иргэдийн хууль эрх зүйн мэдлэгийг дээшлүүлэх зорилгоор үе шаттай сургалт, мэдээллийн ажлыг зохион байгуулж, 18 байгууллагын албан хаагч, ар гэрийн төлөөлөл нийт 550 гаруй иргэнийг хамрууллаа.

Сумын гэмт хэргээс урьдчилан сэргийлэх ажлыг зохицуулах салбар зөвлөлийн хурал 2026 оны 02 дугаар сарын 12-ны өдөр 77 хувийн ирцтэйгээр хуралдлаа.

Сумын ГХУСАЗСЗ 2025.12.09-ний өдөр 100 хувийн ирцтэй хуралдлаа. Авлигатай тэмцэх дэлхийн өдөр нь жил бүрийн 12-р сарын 9-ний өдөр тохиодог ба энэ нь Авлигын эсрэг олон улсын өдөр бөгөөд Нэгдсэн Үндэсний Байгууллагын (НҮБ) Авлигын эсрэг конвенци-ийн дагуу 2003 онд баталснаас хойш тэмдэглэж ирсэн тэмдэглэлт өдрийг ИТХ-ын дарга Б. Болат онцолж АВИЛГЫН ЭСРЭГ НЭГДЬЕ аянд уриалж зөвлөлийн гишүүдэд гарын авлага мэдээллийг тарааж ажиллалаа.

Хүүхдийн эрх, хууль ёсны ашиг сонирхлыг хамгаалах, аюулгүй байдлыг хангахад эцэг эхийн үүрэг хариуцлагыг нэмэгдүүлэх, нийгмийн соёлыг бүтээх, гэмт хэрэг, зөрчлөөс урьдчилан сэргийлэх, иргэдийн хууль, эрх зүйн мэдлэгийг нэмэгдүүлэх, төрийн болон төрийн бус байгууллагуудын хамтын ажиллагааг нэмэгдүүлэх зорилгоор худалдаа үйлчилгээний CU, GS25 байгууллагуудтай хамтран Цагдаагийн ерөнхий газраас “365 өдөр бүр хүүхдээ анхаарч хайрлая” арга хэмжээг эхлүүлсэн байна. Энэхүү аянд миний бие нэгдэж байна.

Иргэн та цахим болон бусад төрлийн залилангийн гэмт хэргээс өөрийгөө болон гэр бүлээ хамгаалж, мэдээлэлтэй, сэрэмжтэй байгаарай. Бид хамтдаа залилангийн гэмт хэргээс сэргийлж чадна. Энэхүү аяны хүрээнд Шарын гол суманд зохион байгуулагдсан “Нээлттэй хаалганы өдөр”-өөр иргэдэд мэдээлэл түгээн, сэрэмжлүүлж ажиллалаа.

Мотоцикл жолоодож яваад зам тээврийн осол гаргасан тохиолдол бүртгэгдсэнтэй холбогдуулан ижил төрлийн гэмт хэрэг, зөрчлөөс урьдчилан сэргийлж, замын хөдөлгөөний дүрмээ чанд мөрдөж, соёлтой, хариуцлагатай оролцохыг нийт иргэдэд уриалж байна. Дүрмээ баримталж, хүний амь нас, эрүүл мэндийг хамгаалцгаая!

#ТАЙВАН_ЗАМ_ТАНЫ_ХАРИУЦЛАГААС_ЭХЭЛНЭ” та уриалгад нэгдээрэй👋👋 ✅Сумын Гэмт хэрэг, зөрчлөөс урьдчилан сэргийлэх ажлыг зохицуулах салбар зөвлөлийн зохион байгуулж буй “Тайван зам – Таны хариуцлагаас эхэлнэ” арга хэмжээний хүрээнд Шарын гол ХК-ийн 108 ажилтан алба хаагчдад урьдчилан сэргийлэх чиглэлээр мэдээлэл өглөө. 👮Сум дундын цагдаагийн хэлтсийн зохицуулагч, цагдаагийн дэслэгч Б.Галхүү-Зам тээврийн осол, гэмт хэрэг, зөрчлийн талаар 👮Хэсгийн байцаагч, цагдаагийн ахлах дэслэгч - М.Шинэбаатар, цагдаагийн дэд ахлагч Б.Хулан нар Зөрчлийн тухай хууль тогтоомжийн талаар тус тус мэдээлэл хийж, гарын авлага, сэрэмжлүүлгийг тарааж ажиллаа.

Дархан-Уул аймгийн Шарын гол сумын чиглэлийн авто замд замын хөдөлгөөний аюулгүй байдлыг хангах, байгаль орчныг хамгаалах зорилгоор автозам дагуух самбарын хулдаасан хэвлэлийг шинэчлэн байрлууллаа. Энэхүү ажил нь иргэдийн анхаарлыг хандуулах, зам тээврийн ослоос урьдчилан сэргийлэх, байгаль орчинд хүндэтгэлтэй хандах сэтгэлгээ төлөвшүүлэхэд чиглэж байна.

“БОЛЗОШГҮЙ ЭРСДЭЛЭЭС УРЬДЧИЛАН СЭРГИЙЛЬЕ “ Сумын Гэмт хэргээс урьдчилан сэргийлэх ажлыг зохицуулах салбар зөвлөл, Сумын ИТХ-ын Байгаль орчин хөдөөгийн хөгжлийн хорооны гишүүд, мэргэжлийн байгууллагуудтай хамтран хүрээлэн буй орчны гэмт хэрэг, зөрчил, болзошгүй эрсдэлээс урьдчилан сэргийлэх зорилгоор Уурхайн амралт, Шивэрт, Булагт, Санжинт, Буянт, Хургат, Бага Дархан, Бага Дарханы өвөр, Буянт, Номт чиглэлийн 55 малчин өрхөөр орж зөвлөмж, мэдээлэл өгч ажиллаа.

“Сэргийлье, хамгаалъя – Түймэргүй төрх бидний хариуцлага” аяны хүрээнд Сумын Гал түймэр унтраах, аврах 55 дугаар ангиас зохион байгуулсан видео бичлэгийн уралдаан амжилттай боллоо.

Сумын гэмт хэргээс урьдчилан сэргийлэх ажлыг зохицуулах салбар зөвлөлөөс Хорт зуршил, гэмт хэрэг, зөрчлөөс урьдчилан сэргийлэхэд хүн бүрийн оролцоог нэмэгдүүлж, нийгмийн хариуцлагыг дээшлүүлэх, аюулгүй, эрсдэлгүй орчин бүрдүүлэхэд хувь нэмэр оруулж, "Олон улсын Хүүхдийн эрхийг хамгаалах өдрийг үр дүнтэй тэмдэглэн өнгөрүүлэх зорилгоор "ИРЭЭДҮЙГЭЭ ХАМТДАА ХАМГААЛЪЯ” аян өрнүүлж байна. 👫Хамтдаа хичээвэл өөрчлөлт эхэлнэ